ÓKEYPIS MORGUN- OG KVÖLDRÚTÍNA
fyrir mýkri byrjun og rólegri endi á deginum
Tvær einfaldar rútínur sem ég nota sjálf til að koma líkamanum rólega af stað á morgnana og hægja á mér fyrir nóttina.
Þú byrjar einfaldlega þar sem þú ert í dag.
Ókeypis aðgangur. Þú getur afskráð þig hvenær sem er.
TVÆR LITLAR STUNDIR FYRIR ÞIG
01Morgunn
Morgnarnir geta verið erfiðir þegar maður vaknar með verki og stífleika. Ég hef lært að gefa mér tíma til að vakna, anda og koma líkamanum rólega af stað áður en dagurinn tekur við.
Góð morgunrútína þarf hvorki að vera löng né eins á hverjum degi. Fyrir mig snýst hún um að hlusta á líkamann og byrja þar sem ég er stödd þann morguninn.
Í myndbandinu sýni ég þér hvað ég geri og hvernig ég laga rútínuna að mér.
02Kvöld
Á kvöldin finn ég oft fyrir verkjum og þreytu eftir daginn. Þá hjálpar mér að hægja á mér og gefa mér stund til að sleppa takinu eftir daginn.
Kvöldrútínan mín samanstendur af rólegum Yin-teygjum og öndunaræfingum. Ég laga hana að því hvernig mér líður hverju sinni og leyfi mér að fara á mínum hraða.
Í myndbandinu sýni ég þér hvernig ein af mínum kvöldrútínum lítur út.
Líkaminn þarf ekki alltaf meira átak.
Stundum þarf hann meira öryggi.
Hægðu á. Andaðu. Komdu aftur til þín.
UM SONJU
Mig langar að deila með þér morgun- og kvöldrútínunum mínum. Þær eru hluti af því hvernig ég hlúi að andlegri heilsu minni og líkamanum og gera dagana mína og næturnar betri.
Ég heiti Sonja og ég er Yin Yoga Nidra kennari. Ég vinn með slökunar- og tónheilunartíma, heilun, svæðameðferð og kenni Engla Reiki heilun.
Þegar ég var 19 ára slasaðist ég alvarlega í bílslysi. Síðan þá hef ég farið í gegnum stórar aðgerðir, andlegt þrot, liðskipti og löng endurhæfingartímabil. Ég hef verið logandi hrædd og stundum efast um hvort ég gæti sinnt aftur því sem ég hafði byggt upp, en ekki leyft mér að gefast upp. Ég hef lagt mig alla fram við að finna mína leið, leið sem hentar mér og mínum líkama.
Ég hélt áfram þótt kraftarnir væru á þrotum. Svo lærði ég að mýktin gat líka borið mig áfram.
Í dag hreyfi ég mig, byggi upp styrk og gef mér jafnframt tíma fyrir slökun, hugleiðslu og tónheilun. Morgun- og kvöldrútínurnar eru hluti af þeirri leið.
MORGUNN · KVÖLD · ÞÍN STUND
Fáðu morgun- og kvöldrútínurnar mínar ókeypis og prófaðu þær á þínum hraða.
Ókeypis aðgangur. Þú getur afskráð þig hvenær sem er.